Yangiliklar

Yashil chiroq-2018

   Respublikamiz bo‘ylab o‘tkazilayotgan harakat xavfsizligi oyligi kunlarida Zarafshon shahar 2-umumta’lim maktab o‘quvchilari o‘rtasida “Yashil chiroq-2018” ko‘rik tanlovining maktab bosqichi bo‘lib o‘tdi.

 Avtomobil yo‘llarida, ayniqsa jamoat transportidan foydalanish jarayonida bolalar bilan bog‘liq baxtsiz hodisalarning oldini olish borasidagi asosiy yo‘nalishlardan biri bu yo‘l harakati qoidalarini o‘smirlar o‘rtasida keng targ‘ib etishdir. Ana shu maqsad yo‘lida olib borilayotgan keng ko‘lamdagi targ‘ibot ishlari namunasi joriy yilning 6-aprel kuni o‘tkazilgan yo‘l harakati yosh nazoratchilarining maktab final musobaqasida ham namoyon bo‘ldi, — deydi. Maktabning ma’naviy-marifiy ishlar bo’yicha direktor o’rinbosari X.Mirzayeva.

Tadbirda maktabning 7-sinf o‘quvchilaridan tuzilgan jamoalar ishtirok etishdi.7-A sinfning  “Yosh avtomobilchi”, 7-B sinfning “Yashil chiroq”, 7-V sinfning “Yosh nazoratchi” jamoalari ko‘rik tanlov musobaqasining nizomiga ko‘ra “Yosh piyoda”, “Xavfsiz g‘ildirak musobaqalari”, “Yo‘l transport hodisasida jarohatlanganlarga birinchi yordam ko‘rsatish”, “Yo‘l harakati qoidasi”dan nazariy imtihon hamda “Tashviqot guruhlarining chiqishi” kabi turlar bo‘yicha o‘zaro musobaqalashdilar. Shuningdek, o‘quvchilar tomonidan ko‘rgazmali qurollar asosida tayyorlangan targ‘ibot vositalari namoyish etildi. 

Bellashuvlarni o‘tkazish davrida ishtirokchilarning xavfsizliklarini ta’minlashga oid chora tadbirlar ko’rildi.

-Ushbu musobaqani o‘tkazishdan ko‘zlagan aniq maqsadimiz—yo‘l harakati yosh nazoratchilari faoliyatini yuksaltirish, maktab o‘quvchilari, maktabgacha tarbiya muassasalari tarbiyalanuvchilarining ko‘cha va yo‘llarda xavfsiz harakatlanishini ta’minlash, bolalarga yo‘llarda yurish qoidalarini o‘rgatish hamda ular ishtirokidagi yo‘l-transport hodisalarining oldini olishdan iborat, — deydi ko‘rik tanlov hakamlar hay’ati raisi, ma’naviv-marifiy ishlar bo’yicha direktor o’rinbosari Z.Omonova.Tadbir davomida barcha yosh avtonazoratchilar o‘zlarining nazariy va amaliy bilimlari mukammal saviyada ekanligini yana bir bor ko‘rsatdilar. Natijada 7-B sinf vakillari birinchi o‘rinni egallab, shahar bosqichiga yo‘llanmani qo‘lga kiritdi.Musobaqa yakunida g‘oliblikka erishgan jamoalarga maxsus mukofotlar va esdalik sovg‘alari taqdim etildi.                                                                                                                                                                  Boshlang’ich sinf o’qituvchisi Boboyeva Muhayyo

 

Фуқаро муҳофазаси куни

Ўзбекистон Республикаси Президентининг 2017 йил 22 декабр куни Ўзбекистон Республикаси Олий Мажлисига тақдим этилган мурожаатномасида белгиланган устувор вазифа ва кўрсатмалар ижросини сўзсиз таъминлаш, юзага келиши мумкин бўлган фавқулодда вазиятларни олдини олиш, ФВДқТ хизматлари фаолиятини такомиллаштириш, раҳбарлар ва ишчи-хизматчилар таркибини, ишлаб чиқариш ва хизмат кўрсатиш соҳаларида банд бўлмаган аҳолини фавқулодда вазиятларда тўғри ҳаракат қилишга тайёрлаш ва Зарафшон шаҳар ҳокими-Фуқаро муҳофазаси бошлиғининг 2018 йил 08 февралдаги 4-сонли буйруғи, вилоят ХТБнинг 2018 йил 15 февралдаги 25-сонли буйруғи ҳамда ШХТБнинг 2018 йил 19 февралдаги 50-сонли буйруғи ижросини таъминлаш мақсадида 2018 йил 05 апрел куни  Зарафшон шаҳар 2- умутаълим мактабида “Аҳоли орасида табиий ва ис газидан заҳарланишни олдини олиш” ва “Овқатдан заҳарланишдан (ботулизм) огоҳ бўлинг” мавзуларида ўқув семинари ўтказилди. Ўтказилган тадбирда шаҳар ФВ бўлими бошлиғи М.Бахранов шаҳар ИИБ ЁХБ Ражабов М. “Олтин водий” МФЙ раиси Ш.Номуродов , ШХТБ методисти Н.Ниёзовлар қатнашди. Мутасадди ташкилот ходимлари томонидан ўқувчи, педагог ва ишчи ходимларга мавзуга оид маълумотлар берилди. Юзага келиши мумкин бўлган фавқулодда вазиятларда тўғри ҳаракатланиш юзасидан тушунчалар берилди.
        
  
                                                              

ММИБДЎ :         Турабоева Ш.

                                       
 

Диёримиз бўйлаб саёҳат

      Зарафшон шаҳар 2- умумтаълим мактаби Касаба уюшма қўмитаси ички туризмни ривожлантириш мақсадида она диёримизнинг муқаддас қадамжоларга бой гўшаларидан саналмиш Бухоро вилоятидаги зиёратгоҳларга мактаб педагог ва ишчи ходимларидан иборат жамоа билан саёҳат уюштирди.Муҳтарам президентимиз Ш.Мирзиёев таърифлаб ўтганларидек, илм-у маърифат ва дин-у диёнат маскани ҳисобланмиш Бухорои шарифнинг тарихий обидалари ҳамда истироҳат боғларида бўлган сайёҳлар катта таассуротларга эга бўлишди. Баҳовуддин Нақшбанд зиёратгоҳи, “Лаби Ҳовуз”, Арк меъморий обидаларидаги Насриддин Афанди ижодига оид катта фестиваль гувоҳи бўлишди. Абдухолиқ Ғиждувоний мақбарасига ҳам саёҳат қилинди. Мактаб педагог ва ишчи ходимлариҳамда уларнинг оила аъзолари бетакрор диёримизнинг диққатга сазовор обидалари ҳақида қизиқарли маълумотларга эга бўлганидан, ҳам саёҳат, ҳам зиёрат қилишганидан мамнун бўлишди. Ватанимизнинг шонли тарихини ўрганиш ва ёш авлод қалбида фахр-ифтихор ҳиссини камол топдиришда бу каби тадбирларнинг аҳамияти бор.
  Саёҳатга нафақадаги ўқитувчилар ҳам таклиф этилди. Шулардан Мингбоева Тошбийи.


                                                                                                                                                       Бошланғич синф ўқитувчиси Ш. Қурбонова,

 Касаба уюшма қўмитаси раиси Г.Холбоева.

 

“Ёшларни маънавий таҳдидлардан огоҳлик руҳида тарбиялаш-давр тақозоси”

 2018 йил март ойида мактабда “Ёшларни маънавий таҳдидлардан огоҳлик руҳида тарбиялаш-давр тақозоси” мавзусида давра суҳбати ўтказилди. Давра суҳбатини ҳуқуқ фани Жўрақулова Ноила ва ИИБ ходимлари олиб борди. Ўқитувчи ўқувчиларга мавзу юзасидан қуйидаги маълумотларни берди. Яқин Шарқ ва бошқа ҳудудлардаги қатор мамлакатлар чуқур сиёсий танглик, ижтимоий ва иқтисодий беқарорлик ва қуролли тўқнашувларни бошидан кечирмоқда. Мазкур ҳудудларда гўёки ҳақиқий “исломий давлат” қуриш шиори остида очиқдан-очиқ зўравонлик, инсонийликка зид ваҳшийликларга асосланган амалларга қўл ураётган турли гуруҳ ва жамоалар урчиб кетди. Сўнгги йилларда ақидапараст оқимлар ёшлар ичидаги фаолиятини меҳнат мигрантларини таъсир доирасига олиш, “ҳужралар” ташкил этиш, диний экстремистик мазмундаги материалларни электрон кўринишда тарқатиш, интернет орқали тарғибот ўтказиш каби усулларда амалга оширмоқда. Айниқса, интернет тармоғида ўзини “Ислом давлати” (ИШИД), “Жабҳат ал-Нусра” деб атаб олган террористик ташкилотлар гўёки ислом равнақи йўлида курашаётган “мужоҳид биродарлар гуруҳи” экани ҳақидаги тарғибот-ташвиқот кенг кўламда олиб борилаётгани, бунинг оқибатида дунёнинг кўплаб мамлакатларидан мусулмон ёшлар “ҳижрат” қилиш ва “жиҳод”да иштирок этиб даъвосида Сурия ва Ироқ ҳудудига бориб, ушбу гуруҳ сафига бориб қўшилаётганининг гувоҳи бўлмоқдамиз. Афсуски, ёшлар муайян қисми ИШИДни ҳақиқатда ҳам ислом динини бутун дунёга тарқатиш, исломий давлат барпо этган ҳолда дунёда адолат ўрнатишни мақсад қилган ташкилот деб ҳисоблайди. Бундай фикрловчилар Марказий Осиёда, хусусан, Ўзбекистонда ҳам бор экани ҳеч кимга сир эмас. Бундай ёшлар юқорида қайд этилган ҳудудларда инсонларга қарши содир этилаётган жиноятларни гўёки халифалик қуриш учун жоиз амал ҳисоблаб қаттиқ адашмоқдалар. Аслида, мутаассиб оқим аъзоларининг мақсадлари - “жиҳод”, “ҳижрат”, “шаҳидлик”, “кофир бўлиш” каби диний тушунчаларни сохта талқин қилиш орқали ёшларимизни оиласи ва яқинларининг таъсиридан чиқариш, ўқиш ёки ишидан ажратиб олиш ҳамда уларни қуролли тўқнашувлар кетаётган Сурия, Ироқ, Афғонистон ёки Покистон каби мамлакатларга жўнатиб, манқурт-жангари ёки “тирик бомба”га айлантиришдан иборат. Ақидапарастлар ёшларни авраб, ислом диёри бўлган, азон айтиладиган, жума ва ҳайит намозлари ўқиладиган, умуман, исломнинг беш арконлари эмин-эркин адо этилиб, мусулмончилик амалда бўлган ва фуқаролар тинчлик-хотиржамликда ҳаёт кечираётган Ватанини тарк этишга тарғиб қилмоқда. Ваҳоланки, ўз юртини ташлаб, ўзга юртларда сарсон-саргардон юриш, манқурт шахслар билан бирлашиб, киндик қони тўкилган юртига қарши қурол кўтариш айни ислом таълимотига зид ишдир. Инсонларни тинч ва осойишта диёрдан дин номидан қотилликлар ошкора қилинаётган фитна маконларига чорлашдек қабиҳ иш ҳеч қачон “ҳижрат” бўла олмайди. Ислом дини Ватанга ҳиёнат, қотиллик, бузғунчилик, ўзини ўзи ўлдириш, ўзгаларга зум қилиш, ота-онага оқ бўлиш кабилардан қайтаради.“Жиҳод” сўзи луғатда кишининг ўз мақсадига эришиш йўлида бор имкониятларини ишга солиб, қаттиқ ҳаракат килиши маъносини англатади. Дарсини ўзлаштириш учун барча имкониятларини ишга солиб ҳаракат килаётган ўсмир мужтахид талаба деб аталади. Бинобарин, уни илмий жиҳод қилмокда деса бўлади. Хорижга иш ахтариб кетган айрим ёшларимиз ДЭО оқим аъзоларининг таъсирига тушиб, юртга қайтгандан сўнг ён-атрофдагилардан “жамоат” тузишга, уларни “ҳижрат”га олиб чиқишга қаратилган ҳаракатлар содир этаётгани кузатилмоқда. Албатта, иш жойи танлаш ҳуқуқи ҳар ким учун кафолатланган, бироқ ҳозирда айрим хорижга кетганларнинг одам савдоси қурбонига айланиб қолаётгани, хору зор бўлиб, бирон нарса орттириб қайтиш ўрнига боридан ҳам айрилиб келаётани ҳам бор гап. Энг ёмони пул топиш истагида хорижга кетганларнинг баъзилари чет элдаги ясама “дин даъватчилари”нинг қармоғига илиниб, сохта “ҳижрат” ва “жиҳод” даъватларига учаётгани, уч-тўрт сўм учун Сурия, Афғонистон каби каби низо ва уруш ўчоқларида қўлларини қонга белаб, ўз она-юртига қурол ўқталиш даражасидаги манқуртга айланиб қолаётгани бу масалага жиддий эътибор қаратиш лозимлигини тақозо қилмоқда. У ерларда дийдаси қотган жаллодларга айланган бу жоҳиллар юртига қурол ўқталиб ўз халқи, ота-онаси ва диндошларига таҳдид билан дағдаға қилишдек тубанликка юз тутяптилар. Яна таъкидлаш жоизки, тинчликни улуғ неъмат деб эълон қилган динимизда бу йўлда нафақат амал билан, балки сўз билан ҳам зарар келтиришдан қайтарилган. Шу нуқтаи-назардан, фуқароларимиз юртимизда тинчлик-хотиржамликни авайлаб-асраш йўлида давлатимизнинг мутасадди идоралари томонидан амалга оширилаётган сайъй-ҳаракатларни эътиқодан қўллаб-қувватлашлари ва қўлидан келганча уларга ёрдам беришлари лозим.

 Фундаментализм – кенг маънода – муайян таълимот ақидаларининг ўзгармаслигини эълон қиладиган, эътиқодни ақл далилларидан устун қўядиган, илоҳий китоблардаги ваҳий қайси маънода баён этилган бўлса, шу маънода қабул қилинишини талаб этадиган, айни вақтда уларни мажозий маънода талқин этишга ҳар қандай уринишларни рад этадиган, дин асосларини оғишмай бажаришни қаттиқ талаб қиладиган ижтимоий, мафкуравий, диний йўналишлардир. Тор маънода – протестантизмдаги ортодоксал оқимлар.

 Шундай экан, биз бундай ҳолга асло лоқайдлик билан муносабатда бўлмаслигимиз, чуқур билим ва малака билан вазиятни оқилона баҳолашимиз ва қарор қабул қилишимиз, хавфсизликни таъминлаш чора-тадбирларини юқори даражада амалга ошириш даркор деб ўйлаймиз.

Хулоса қилиш керакки, давлатимизнинг миллий хавфсизлигига таҳдидлар маълум тизимнинг эмас, балки мамлакатимизда фаолият кўрсатиб келаётган барча соҳанинг барқарор ривожланишига катта салбий таъсир кўрсатади, унинг издан чиқишига олиб келади. Шуларни назарда тутган ҳолда ҳар биримиз аввало, огоҳлик ва ҳушёрликни оширган ҳолда, юқори савиядаги маънавий-маърифий, сиёсий дунёқараш билан юксак профессионаллик асосида ишга ёндашиши, фаолияти давомида юртимиздаги ва жаҳондаги ислоҳотлар моҳияти ҳамда аҳамиятини ўз вақтида англаб етиб, қонун доирасида иш юритиши мақсадга мувофиқдир.

Маруза сўнгида “Ниқоб” ҳужжатли филми намоиш этилди.

 Ўқувчилар томонидан берилган саволларга атрофлича жавоб берилди.



ММИБДЎ: Мирзаева Ҳ.И.

 

Спорт-саломатлик гарови

 Мактабда Ўзбекистон Республикаси Вазирлар Маҳкамасининг 2018 йил 23 февралдаги “Ёшларни ҳарбий-ватанпарварлик руҳида тарбиялаш концепциясини тасдиқлаш тўғрисида”ги 140-сон қарори ижросини таъминлаш мақсадида мактабнинг чора-тадбирлар режаси ишлаб чиқилди. Режа асосида 31 март куни 6-синф ўғил болалари иштирокида спортнинг қўл тўпи тури бўйича мусобақа ўтказилди. Мусобақада 6-В синф ўқувчилари ғолибликни қўлга киритди. Мусобақани ўтказишдан мақсад, ўқувчиларни ватанпарварлик руҳида тарбиялаш спортнинг оммавийлигини ошириш ва соғлом турмуш тарзини йўлга қўйишдан иборат.




                                                                                      MMИБДЎ:  Омонова З.А.