Yangiliklar
Яқинда мактабимизда шу мавзуда бошланғич синфларнинг шаҳар семинари бўлиб ўтди. Мактаб фаеси, фаоллар зали ва синф хоналари мавзуга мос безатилиши билан бирга, семинар баҳорнинг илк кунига тўғри келгани учун ҳам баҳор кайфияти ҳар жабҳада акс этиб турди.
Мактабга ташриф буюрган меҳмонлар мусиқа садолари остида кутиб олинди. Шунингдек, ўқувчи ва ўқитувчиларнинг турли спорт, саҳнавий кўриниш ва қўшиқ куйлаб чиқишлари намойиш этилди. Синфлар кесимида ташкил этилган кўргазмалар танловида ижодкор ўқитувчиларнинг маҳоратларига баҳо берилди. Она тили, ўқиш, математика, тасвирий санъат ва технология фанларидан интерфаол усулларда ташкил этилган дарслар барчага манзур бўлгани алоҳида эътироф этилди.
Тадбирда ўқитувчи ва ўқувчилардан тузилган гуруҳлар ўртасида тезкор савол-жавоб ва саҳна кўринишлари намойиши буйича беллашув бўлиб ўтди. Баҳорнинг илк кунида таваллуд куни нишонланган атоқли шоирамиз Зулфияхоним ҳаёти ва фаолиятига доир савол-жавобда қатнашчилар ўз билим ва маҳоратларини намойиш этишди.
Шаҳар ХТБ бошланғич синфлар методисти Низомова Г.К. тадбирда фаол иштирок этган ўқитувчиларнинг меҳнатини алоҳида эътироф этган ҳолда, уларни “Фахрий ёрлиқ”лар билан тақдирлади. Шунингдек, қатнашчиларга энг қимматли совға саналмиш китоблар ҳам улашилди.
Бошланғич синф
ўқитувчиси Даминова М.
Мактабда 8 март Халқаро Хотин-қизлар байрами муносабати билан мактаб бошланғич хотин-қизлар қўмитаси томонидан 2018 йил 7 март куни тадбир ташкил этилди. Тадбирга узоқ йиллар давомида мактабда ишлаб, ҳозирги кунда нафақадаги ўқитувчи Т.Мингбоева таклиф қилинди. Мактаб касаба уюшмаси томонидан 35 000 сўмлик байрам совғалари берилди. Мактабдан касаллиги сабабли нафақага чиққан ўқитувчи Г.Туйғуновага, ёлғиз оналар Г.Бекманова, З.Ҳамроева, М.Даяноваларга, кам таъминланган оналар Д.Назарова, А.Очилова, Г.Илмоноваларага мактаб касаба уюшмаси томонидан 370 000 сўмлик совғалар берилди. Бошланғич синф ўқитувчиси Р.Ўралова, рус тили фани ўқитувчиси Д.Болтаеваларнинг хонадонларига бориб, уларнинг ҳолидан хабар олинди. Уларга байрам совғалари топширилди.
Мактаб бошланғич хотин-қизлар
қўмитаси раиси: Г.Маматқулова
Республикамиз миқёсида ўтказилаётган математика ва информатика фан ойлиги муносабати билан бизнинг 2-сонли умумтаълим мактабида ҳам шаҳар семинари бўлиб ўтди. Семинарда очиқ дарслар, кўргазмалар ва тадбирлар ташкил этилди. Мазкур семинар дастурига асосан ўқитувчилардан математика фани ўқитувчиси Сувонова Д 8-“Г” синфга алгебра фанидан “Касрнинг квадрат илдизи мавзусига доир мисоллар ечиш ” мавзусида AKT ва PT лардан фойдаланиб очиқ дарс ўтди. Информатика фани ўқитувчиси Умарова У 8-“В” синфга информатика фанидан “МS Excelда математик амаллар ва функцияларни қўллаш” мавзусида намунавий очиқ дарс ўтди. Математика фани ўқитувчиси Якубова Шоҳида 9-“Д” синфга “α ва –α бурчакнинг синуси, косинуси, тангенси ва котангенси” мавзусида намунавий очиқ дарс ўтди.
О.Кузимова, С.Бердимуродова, З.Худойбердиева, М.Сувоновалар 6-синфлар ўртасида “Математик кеча” ташкил қилди. Кечада ўқувчилар томонидан турли рақслар, баҳру-байтлар, саҳна кўринишлар ўтказилди. Информатика фани ўқитувчилари М.Куйчиева ва У.Умарова 8-синф ўқувчилари ўртасида информатика фанидан “Информатика билимдонлари” номли тадбир ўтказди. Тадбир жуда кўтаринки руҳда ўтди.
Семинарга шаҳар ХТБ услубчиси М. Қурбонов раҳбарлигида келган шаҳримиз математика фани ўқитувчилари ўтказилган тадбирларга ўз муносабатини билдирдилар. Бу семинарда 7-9 синф ўқувчилари ҳам фаол қатнашиб, ўз билимларини бойитишга эришдилар.
Mатематика фани ўқитувчиси Якубова Ш.Г.
Maktabda so’z mulkining sultoni Mir Alisher Navoiy tavalludining 577 yilligiga bag’ishlab “Mahorat darslari” doirasida “Mohir ijod sohibi” tanlovi o`tkazildi. Tanlovda boshlang’ish sinf texnologiya fani o’qituvchisi rahbarlik qilayotgan “O’z qo’limiz bilan” to’garagining a’zolari ishtirok etdilar. Musobaqa shartlarida o’quvchilarning ishtiroklarini baholash maqsadida boshlang’ich sinf uslub birlashma rahbari H.G’aybullayeva, texnologiya fani o’qituvchisi G.Yusupova va boshlang’ich sinf o’qituvchisi R.O’ralova hakamlik qildilar. Ishtirokchilar ikki guruhga bo’lindilar.1-guruh-“Alisher Navoiy”,2-guruh-“Zahiriddin Muhammad Bobur” nomi bilan ataldi. Guruhlar 4ta shart bo’yicha bellashdilar.
1-shart-“Buyuk ajdodlarimiz Alisher Navoiy, Mirzo Bobur haqida ma’lumot,hikmatli so’z va g’azal yoki ruboiylaridan namunalar aytish”.
2-shart-“Rangli qog’ozlar bilan applikatsiya usulida ishlash”.
3-shart-“Plastilindan ertak qahramonini yasash”.
4-shart-“O’zbek xalq maqollaridan 10 ta yozish”.
Bellashuvning 1-shartiga ko’ra guruhlar a’zolari o’zlarining guruhlariga nomi berilgan buyuk ajdodlarimiz hayoti va ijodi haqida, g’azal va ruboiylaridan namunalar aytdilar. Bellashuvning barcha shartlari qizg’in va yuqori kayfiyatda o’tdi. O’quvchilar o’zlarining texnologiya darslaridan olgan bilim, malaka, ko’nikmalari asosida shartlarni bajardilar. Musobaqaga yanada maroqli kayfiyat ulashish maqsadida 2-“B” sinf o’quvchilari Alisher Navoiy asaridan sahna ko’rinishi namoyish etdilar.
Hakamlar hayati o’quvchilarning shartlar bo’yicha bajargan amaliy ishlarini odillik bilan baholab bordilar. Musobaqa yakunida hakam H.G’aybullayeva so’zga chiqib, 2ta guruh 20 baldan qo’lga kiritib,do’stlik g’alaba qozonganini aytib o’tdi. O’quvchilar faol ishtiroklari uchun “Faxriy yorliq” bilan taqdirlandilar.
Boshlang’ish sinf o’qituvchisi
Ziyoda Tosheva
Алишер Навоий ўзбек адабиётида, балки жаҳон адабиётидаги энг ёрқин сиймолардан биридир. Бу буюк бобокалонимиз қолдирган улкан меросда олам ва одамга боғлиқ бўлган ҳодисалар фавқулодда теран нигоҳ билан талқин этилган. Уларда инсон моҳияти, унинг ижтимоий вазифаси, бурч ва масъулиятлари, имконият ва ожизликлари юксак оҳангларда тасвирланган. Бу улуғ зотга нисбатан муҳтарам биринчи Президентимиз Ислом Каримов: “Ўзбек халқи маънавий дунёсининг шаклланишига ғоят кучли ва самарали таъсир кўрсатган улуғ зотлардан яна бири-бу Алишер Навоий бобомиздир. Биз унинг мўътабар номи, ижодий меросининг боқийлиги, бадиий даҳоси замон ва макон чегараларини билмаслиги ҳақида доимо фахрланиб сўз юритамиз. Алишер Навоий халқимизнинг онги ва тафаккури, бадиий маданияти тарихида бутун бир даврни ташкил этадиган буюк шахс, миллий адабиётимизнинг тенгсиз намоёндаси, миллатимизнинг ғурури, шаъну шарафини дунёга тараннум қилган ўлмас сўз санъаткоридир. Таъбир жоиз бўлса, оламда туркий ва форсий тилда сўзловчи бирон-бир инсон йўқки, у Навоийни билмаса, Навоийни севмаса, Навоийга садоқат ва эътиқод билан қарамаса.
“Агар бу улуғ зотни авлиё десак, у авлиёларнинг авлиёси, мутафаккир десак, мутафаккирларнинг мутафаккири, шоир десак, шоирларнинг султонидир” деб таъриф берган.
Маълумки, инсон қалбининг қувончу қайғусини, эзгулик ва ҳаёт мазмунини Навоийдек теран ифода этган шоир жаҳон адабиёти тарихида камдан-кам топилади. Она тилига муҳаббат, унинг беқиёс бойлиги ва буюклигини англаш туйғуси ҳам бизнинг онгу шууримиз, юрагимизга аввало Навоий асарлари билан кириб келади. Биз бу бебеҳо меросдан халқимизни, айниқса, ёшларимизни қанчалик кўп баҳраманд этсак, миллий маънавиятимизни юксалтиришда, жамиятимизда эзгу инсоний фазилатларимизни камол топтиришда шунчалик қудратли маърифий кучга эга бўламиз.
Ана шу мутафаккиримизнинг ҳаёти ва ижоди таълимнинг деярли барча босқичларида ўрганиб келинмоқда.
Жумладан 2-умумий ўрта таълим мактабида бу улуғ зотнинг 577 йиллигини муносиб нишонлаш мақсадида чора тадбирлар режаси ишлаб чиқилди. Режага асосан бошланғич синфларда ҳам расмлар, иншолар танловлари ўтказилди. Қизиқувчан ёшлар Алишер Навоий ҳақидаги маълумотларни зўр иштиёқ билан эшитишди.
Ана шу улуғ мутафаккирнинг ҳаёт йўлини доим келажак авлодга етказиш биз устозларнинг бурчимиздир. Бу улуғ инсонга муносиб равишда ёшларимиз китобхонлик маданиятини ошириши лозим. Бобомиз ёзган асарларини, ғазалларини ёд билиш зарур. Буларнинг барчаси бобомизга бўлган юксак эҳтиром.
Бошланғич синф ўқитувчиси Тилабова Д.
