Yangiliklar

Til bilgan-el bilar.

     2-noyabr kuni maktabimizda noyabr chet tillar  va rus tili fan oyligi munosabati bilan fan oyligining ochilish marosimi bo'lib o'tdi. Unda maktab direktori Qodirova Sh.M, barcha ingliz tili fani o'qituvchilari va o'quvchilar ishtirok etishdi. O'quvchilar tomonidan ijro etilgan inglizcha she'rlar  va sahna ko'rinishi barchaga ko'tarinki ruh bag'ishladi. Maktab direktori va  ingliz tili o'qituvchisi Narzullayeva Sarvinoz fan oyligining ochilishi bilan o'quvchilarni tabrikladi. Tadbir juda mazmunli tashkil etildi.
Tadbir davomida o'quvchilar bilan qiziqarli savol javoblar bo'ldi. O'quvchilarning chet tilini sevishi va unga bo'lgan qiziqishlari yaqqol namoyon bo'ldi. Bunday tadbirlar fan oyligi davomida ko'plab tashkil etiladi.
                                                                                                          Ingliz tili  fani o`qituvchisi  Hojiyeva M.

 

Biz sog’lom turmush tarafdorimiz.

     Shahar hokimligi, mahalla va oilani qo’llab-quvvatlash bo’limi, jismoniy tarbiya va sport bo’limi hamda “Yoshlik” JTSJ bilan hamkorlikda “Xotin –qizlarning ijtimoiy-siyosiy faolligini oshirishda nodavlat notijorat tashkilotlar va xotin-qizlar masalalari bo’yicha boshlang’ich tashkilotlar tajribasi “ mavzusidagi “Ayollar forumi” doirasida 2020 yil 29 oktabr kuni Zarafshon shahrida ta’lim muassasalarida faoliyat yuritayotgan xotin-qizlar o’rtasida “Biz sog’lom turmush tarafdorimiz” shiori ostida sport ning Voleybol, Stol tennisi,Shaxmat-shashka turlari bo’yicha musobaqa tashkil etildi.

 Musobaqada Zarafshon shahar XTBga qarashli maktablardan jami 12ta jamoa ishtirok etdi. Musobaqalar juda ham qiziqarli tarzda kechdi.Musobaqada bizning 2-maktab jamoasi ham juda faol ishtirok etdi.

 Musobaqa natijalariga ko’ra 2-maktab jamoasi Voleybol sport musobaqasida faol ishtirok etganligi uchun Tashakkurnoma bilan hamda informatika o’qituvchisi To’xtamurodova Iroda sportning Shashka turi bo’yicha III darajali diplom bilan taqdirlandi.

Jismoniy tarbiya fani o’qituvchisi: Narziyeva D.Q.

 

Iste'dodli adibni yod etib

    25-oktabr Òzbekiston xalq yozuvchisi Pirimqul Qodirov tavallud topgan kun. Ushbu sana munosabati bilan bugun maktab kutubxonachilari va 5-"B" sinf òquvchilari òrtasida "Iste'dodli adibni yod etib" mavzusida davra suhbati tashkil etildi. Òquvchilar Pirimqul Qodirov hayoti va ijodi haqida ma'lumot aytdilar. Zamonaviy òzbek nasrining rivojiga salmoqli hissa qòshgan adiblarimizdan biri Òzbekiston xalq yozuvchisi Pirimqul Qodirov 1928-yil 25-oktabrda hozirgi Xòjand viloyati hududidagi Kengkòl qishloģida chòpon oilasida dunyoga kelgan. Kolxozlashtirish davrida kòpchilik qatori uning otasi òziga tòq Qodir chòpon ham quloq qilinadi. Bu voqea kòp bolali oilaning kundalik tirikchiligagina emas, farzandlarning keyingi taqdiriga ham oģir kòlankalar soladi. Qishloq maktabida yaxshi oqigani, ilm-u ijodga chanqoqligi tufayli Toshkent davlat universitetining sharqshunoslik fakultetiga òqishga kirdi. Talabalik paytidayoq òzining dastlabki kitobi "Studentlar" ni e'lon qildi. Shundan keyin uning kòplab hikoyalari, "Qadrim", "Erk", " Meros", " Najot" singari qissalari, " Qora kòzlar", " Uch ildiz", "Olmos kamar" nomli yirik romanlari òz kitobxonlarini topdi. P. Qodirov shoh va shoir Bobur va uning bir-biriga òxshamagan farzandlari taqdiri aks ettiruvchi " Yilduzli tunlar" va " Avlodlar dovoni" tarixiy romanlarini yaratdi. Mustaqillik yillarida yozuvchi va uning ijodi qarshisida barcha eshiklar ochildi - adib asarlari ònlab xorijiy tillarga tarjima qilinib olamga yuz tutdi. Davra suhbati davomida òquvchilar adabiyot osmoninig yana bir yorqin yulduzi haqida  tòliq ma'lumotga ega bòldilar. Òquvchilar tomonidan "Yulduzli tunlar" asari asosida tayyorlangan sahna kòrinishi namoyish etildi. Davra suhbatini tashkil etgan maktab kutubxonachilari va ona tili adabiyot fani òqituvchisi Fayzullayeva Gulchehra Muhammadovna tadbirda òz iqtidorini namoyish etgan barcha òquvchilarga òz minnatdorchiligini bildirib, bolajonlarning kelgusi òqishlariga omad va zafarlar tiladi.
                                                                                                                   
Ona tili va adabiyot fani o`qituvchisi  Fayzullayeva G.

 

Сен миллат ғурурисан, она тилим

Тил ҳар бир миллатнинг улкан бойлиги, беназир қадрияти ва бебаҳо мулки ҳисобланади. Ҳар бир халқ, ҳар бир элат, ўзи ҳурмат ва эҳтиром қиладиган тилга эга. Тилда ана шу тилнинг ижодкори бўлган халқ, элатнинг тарихи ва маданияти акс этади. Айни замонда, тил ижтимоий тараққиётда улуғвор аҳамият касб этади.

 Тил – ҳар бир миллат ўзлигининг ажралмас белгисидир.

 Тил – Ўзбекистон бирлиги ва яхлитлиги, жамият жипслигининг муҳим омили ҳисобланади. Ўзбек халқининг, унинг миллий маданияти ва ўзига хослигини ифода этувчи восита бўлмиш ўзбек тилининг ҳар томонлама ривожланишини таъминлаш, мазкур тилнинг давлвт тили мақомидек салоҳиятини изчил ва тўлиқ рўёбга чиқариш муҳим вазифадир.

 Мустақиллик йилларида мамлакатимизда ўзбек адабий тилини ривожлантириш масалаларига алоҳида эътибор қаратилмоқда. Бунинг натижасида ўзбек тили давлат тили, давлат рамзи, миллий маданияти ва маънавиятини ифодаловчи муҳим мулоқот воситаси даражасига кўтарилди. Ўзбек тилининг халқаро миқёсдаги нуфузи ошиб, ҳозирги кунда муҳим мулоқот воситасига айланиб бормоқда.

 “ ...ўзликни англаш, миллий онг ва тафаккурнинг ифодаси авлодлар ўртасидаги руҳий-маънавий боғлиқлик тил орқали намоён бўлади. Жамики эзгу фазилатларнинг инсон қалбига, аввало, она алласи, она тилининг бетакрор жозибаси билан сингади. Она тили бу миллатнинг руҳидир”,- деган эди биринчи Президентимиз И.А.Каримов

 Ўзбекистон Республикаси Президенти Ш.М.Мирзиёев: “Она тилимиз – миллий маънавиятимизнинг битмас-туганмас булоғидир. Шундай екан унга муносиб ҳурмат ва эҳтиром кўрсатиш барчамизнинг нафақат вазифамиз, балки муқаддас инсоний бурчимиздир”,- дея она тилининг нақадар азиз ва мукаррам эканлигини айтиб ўтмоқда.

 Бугун “Ўзбекистон Республикасининг Давлат тили тўғрисида”ги қонун қабул қилинганлигига 31 йил тўлди. Ҳар йили 21-октабр юртимизда ўзбек тилига давлат тили мақоми берилган кун сифатида кенг нишонланади. Шу муносабат билан бугун 20-октабр куни Зарафшон шаҳар 2-умумтаълим мактабида “Тилга эътибор – миллатга эътибор” мавзусида шаҳар семинари ташкил этилди. Шаҳар семинарига Зарафшон шаҳар ҳокимлиги, Халқ таълими бўлими ва шаҳар мактабларининг она тили ва адабиёт фани ўқитувчилари ташриф буюрдилар. Унда ўқувчилар томонидан она тилини улуғловчи шеърлар, илмий маълумотлар, қўшиқ ва рақслар ижро этилди. Айниқса она тили ва адабиёт фани ўқитувчиси Жаркинов Аслиддин томонидан ташкил этилган “Чиғатой гурунги” клуби аъзоларининг чиқишлари олқишларга сазовор бўлди. Томошабинларга Абдурауф Фитрат, Абдулҳамид Чўлпон, Усмон Носир, Абдулла Қодирийлар ҳақида маълумотлар айтилди. Тадбир сўнгида Зарафшон шаҳар ҳокими маслаҳатчиси Ҳотамова Ойдин Одилжоновна сўзга чиқиб “Чиғатой гурунги” аъзолари ҳақида, уларнинг бизга қолдирган бой маънавий мероси ҳақидаги фикрлари билан ўртоқлашди. Зарафшон шаҳар маънавият ва маърифат ишлари маркази раҳбари Д.Т.Бахронова сўзга чиқди ва бугунги кунда она тилининг ривожланиб, ҳақиқий маънода миллатнинг қон-қонигача сингиб бораётган тилимизнинг қанчалик улуғ эканлигини айтиб ўтди. Шу билан бирга Халқ таълими бўлими она тили ва адабиёти фани методисти Ш.С.Шодиева ўз нутқида 21-октабр ўзбек тилига Давлат тили мақоми берилишининг 31 йиллиги билан табриклади. Она тили ва адабиёти фан ойлигида амалга оширилган ишлар, яъни очиқ дарслар, ҳар кунлик тадбирлар ҳақида маълумот бериб ўтди.

 Она тили миллат тили екан, тилимиз бунданда ривожланаверсин.

 

она тили ва адабиёт фани ўқитувчиси

Мусанова Дилафруз Салимовна

 

Til-ma'naviyat ko'zgusi

    19-oktabr  kuni ona tili va adabiyot fani o'qituvchilari D.Muhiddinova va G.Fayzullayeva tomonidan ,,Davlat tili haqida"gi  Qonun  qabul  qilinganligining 31 yilligi munosabati bilan 5-9-sinf o'quvchilari o'rtasida "Til-ma'naviyat ko'zgusi "   mavzusida tadbir o'tkazildi. Tadbirda o'quvchilar tomonidan til haqida maqollar va hikmatli so'zlar, ona tilimizmi ulug'lovchi she'rlar aytildi. Davlat tili haqida"gi Qonunning moddalaridan namunalar aytildi. Ona tiliga hurmat va ehtirom, faxr va iftixor tuyg'ularini ifoda etuvchi she'rlardan namunalar o'quvchilar tomonidan aytildi. Tadbir davomida o'quvchi va o'qituvchilar o'rtasida ''Surat ortidagi sir.." mavzusida badiiy asarlar surati aks etgan rasmlarni izohlash bo'yicha aksiya tadbiri ham tashkil etildi. Tadbirda faol qatnashgan o'quvchilar rag'batlantirildi.
                                                                                Ona tili va adabiyot fani o`qituvchisi   Muhiddinova D.