Yangiliklar

Zarafshon shahar 2-umumta’lim maktabida ona tili va adabiyot fanidan ,,Mahorat darslari ‘’ tashkil etilganligi to`g`risida

Zarafshon shahar 2-umumta’lim maktabida 2019-yil 22-yanvardan 1-fevralgacha ,,Ajdodlarga munosib izdosh bo`laylik!’’ dekadasining Alisher Navoiy kunida fan o`qituvchilari tomonidan ,, Mahorat darslari ‘’ tashkil etildi.

 Hozirgi davrda yangi axborotni o`zlashtirish va o`zlashtirganlarini o`zlari tomonidan baholashga qodir , mustaqil va erkin fikrlovchi shaxslar kerak.Shuning uchun ham darslarda zamonaviy o`qitish uslublari-interfaol usullar,innovatsion texnologiyalarning o`rni va ahamiyati beqiyos.Pedagogik texnologiya va ularning ta’limda qo`llanishiga oid bilim va tajriba o`quvchilarning bilimli va yetuk malakaga ega bo`lishlarini ta’minlaydi.

 Ona tili adabiyot fani o`qituvchisi M.Bobomurodova 6-,,D’’sinfida adabiyot fanidan ,,Alisher Navoiyning hayoti va ijodi’’ mavzusida ochiq dars o`tdi. Darsda savol-javob, bahs-munozara, guruhlarda ishlash, boshqotirma ,,Aqliy hujum’’ kabi interfaol usullarni samarali qo`lladi. Darsda shoirning hayot yo`li va ijodi bo`yicha slayd,o`quv filmlaridan samarali foydalandi.Darsda o`quvchilar faol qatnashdilar.

 Ona tili va adabiyot fani o`qituvchisi A.Sayfiyeva 6-“B” sinfda adabiyot fanidan “A.Navoiyning hayoti va ijodi” mavzusida ochiq dars o`tdi. Darsda shoirning hayot yo`li va ijodi bo`yicha slayd “To`g`ri joylashtir”, “Ha-yo`q”, savol-javob kabi usullardan foydalandi.

Darsda o`quvchilar Alisher Navoiyning hikmatli so`zlari,ruboiylaridan aytib, ularning ma’nosini izohlab berdilar.

 Dars mashg`ulotlarini ta’limning interfaol usullari asosida tashkil etish o`quvchilarni faollashtiradi, nutqini rivojlantiradi, fikrni aniq, izchil bayon etishga, o`zgalar oldida o`z nuqtai nazarini himoya qilishga o`rgatadi hamda dars samaradorligini yanada oshiradi.

Uslubbirlashma rahbari: Muhiddinova D.N.

 

Zarafshon shahar 2-umumta’lim maktabining 3- “B” o`quvchisi Savriddinova Nigorani “14-yanvar Vatan himoyachilari kuni ” ga bag`ishlab yozgan “Askar akamga” maktubi

                          Salom  xat

Assalomu alaykum aziz akajonim! Sog`ligingiz , ishlaringiz yaxshimi? 

Sog`-salomat qiynalmasdan xizmatni o`tayapsizmi ? Safdosh  do`stlaringiz ham yaxshi yurishibdimi ? 

Bizga yozgan maktubingizni olib, hammamiz xursand bo’ldik. Xatingizda barchamizni bir-ma bir tilga olibsiz. Qarindosh-urug’, mahalladoshlarni ham so’rab salom yo’llabsiz. Mendan so’rasangiz, o’qishlarim a’lo. 2-chorakni ham a’lo baholarga tugatdim.     

    Akajon xatingiz bilan yuborgan suratingizni ko’rib hammamiz juda xursand bo’ldik. Harbiy kiyim sizga biram yarashibdiki, judayam havasim kelib ketdi. Sizga bir yaxshi xabarni aytaman. Kichik akam Doniyor ham sizdek askar bo’lmoqchi. Bu suratlarni ko’rib: “ Tezroq katta bo’layin. Men ham akam singari O’zbekiston Respublikasiga xizmat qilaman” – deydi. Opam Diyorani bilasiz, maktabning 7-sinf o’quvchisi. Yaqinda televizorda harbiy libosda saf tortib borayotgan qizlarni ko’rib havas bilan kuzatdi. Ota-onamizga harbiy sport maktabida ta’lim olishga qiziqishini aytdi. 

    Qarang-a, Vatanimiz tinchligini asrash uchun barcha vatanparvar yoshlar tayyor ekan. Ana shunday orzulari limmo-lim va ko’zida ishonch balqib turgan akam va opamga otam : “ Vatan posboni bo’lish – pok inson bo’lish, demakdir “ – deydi.

     Akajon harbiy xizmatni a’lo darajada o’tayapsiz. Yaqinda komandiringizdan rahmatnoma olganingizni eshitdik. Chegarachi do’stlaringiz bilan Vatan osoyishtaligini qo’riqlashdek sharafli burchni ado etayotganingiz uchun ham qalbim g’ururga to’ldi. Sizlar bor ekansiz, har kun-u tunimiz tinch va osoyishta o’tadi.

     Sizga yozgan xatimni maktabda ustozimizga ham o’qib berdim. Ustozim sizga va chegarachi do’stlaringizga sog’lik-omonlik tilab, Qurolli Kuchlarimizni  bayrami bilan tabrikladi.

     Sizdek askar akasi bilan faxrlanuvchi singlingiz Nigora.          

 

БИЛИМ ВА ТАФАККУР СИНОВИ

Навоий вилояти Зарафшон шаҳар корхона ва ташкилотлари ўртасида 2018 йилнинг 28 ноябридан 28 декабригача “Заковат” интеллектуал ўйинлари ўтказилди. Унда 20 га яқин гуруҳ ҳоким кубоги учун беллашишди. Ўйиннинг финал босқичи ҳар доимгидан қизиқарли, ҳаяжонли лаҳзаларга бой тарзда ўтди. Унда энг кучли уч жамоа қатнашди, булар: марказий кон бошқармасининг “Кончи”, Зарафшон шаҳар Молия бўлимининг “Молия”, Зарафшон шаҳар Халқ таълими бўлимининг “Зиёлилар” жамоалари. “Юлдуз” маданият уйининг тадбирлар зали ҳақиқий “жанг” майдонига айланганди гўё. Чунки ҳар учала жамоа ҳам кучли ўйинчилардан тузилган ва улар бир нечта ўйинларда ўзларининг билим салоҳиятларини ажойиб тарзда намоён этишиб томошабинлар меҳрини қозонишган эди. Финалда “Молия” жамоаси 6-4, “Кончи” жамоаси 6-3,, “Зиёлилар” жамоаси 6-2 натижаларни кўрсатишди. Натижаларга кўра Молия бўлимининг “Молия” жамоаси 3-ўрин, Марказий кон бошқармасининг Кончи“ жамоаси 2-ўрин, Халқ таълими бўлимининг “Зиёлилар” жамоаси фахрли 1-ўринни қўлга киритишди. Энг қувонарлиси, “Зиёлилар” жамоасининг 5 нафари Зарафшон шаҳар 2-умумий ўрта таълим мактаби ўқитувчилари, улар: Ўралова Рўзибуви Исроиловна (бошланғич синф ўқитувчиси), Омонова Шаҳло Аминовна (ўқув тарбия ишлари бўйича директор ўринбосари), Қурбонов Мирмуҳсин Мизропович (тарих фани ўқитувчиси), Умрзоқов Зухриддин Нуриддинович (тарих фани ўқитувчиси), Фоҳирова Нигора Нозимовна (она тили ва адабиёт фани ўқитувчиси) ва жамоа магистири Ортиқов Зафар Салимович (жисмоний тарбия фани ўқитувчиси). Зарафшон шаҳар халқ таълими бўилими услубчиси Шодиева Шохида Сайфиевна ўзининг кучли билим ва тафаккур соҳибаси эканлигини ва ёш бўлишига қарамай бекорга халқ таълими бўлимида “услубчи” лавозимида ишламаётганини яна бир бор исботлади. Тадбирда Зарафшон шаҳар ҳокими иштирок этиб финал иштирокчиларини илиқ сўзлар билан табриклади. Жумладан, билимли ва тафаккури бой кишилар доимо жамоа ўртасида ажралиб туради, сизлардан илтимос, шу интеллектни, билим ва тафаккурга бўлган қизиқишни бошқаларга ҳам юқтиринг, шунда Зарафшон шаҳри бунданда гуллаб яшнайди. Бу ўйинлар янаги йилда давом эттирилади, янги йилда ташкил қилинадиган “Заковат” ўйинларининг иштирокчилари бундан ҳам кўпаяди. Янги йил ҳаммаларингизга муборак бўлсин, дея сўзини якунлади шаҳар ҳокими Раджабов Анвар Раззоқович. Шундан сўнг жамоаларга қимматбаҳо совғалар тарқатилди. Тадбирдаги илиқ, ҳаяжонга бой лаҳзалар иштирокчилар ва томошабинларга байрам кайфиятини улашди. Зарафшон шаҳар халқ таълими мудири Бахранова Зоя Анатольевна ўз жамоасининг ғолиблигидан хурсанд бўлиб иштирокчилар билан рақсга тушиб кетди. Зоя Анатольевна янги йилда мактаблар ўртасида ана шундай интеллектуал ўйинларни ташкил этишни ваъда берди. Шундай экан баҳс давом этади ОЛҒА 2-мактаб жамоаси!

ЎТИБДЎ: Искандарова А.С.

 

Йўл қоидаси-умр фойдаси

Ўзбекистон Республикаси Вазирлар Маҳкамасининг “Йўл ҳаракати хавфсизлиги кунини ўтказиш ва йўл транспорт ҳодисалари профилактикасининг самарадорлигини ошириш чора-тадбирлари тўғрисида”ги 701-сонли қарори юзасидан “Йўл қоидаси умр фойдаси” мавзусида бизнинг Зарафшон шаҳар 2-умумтаълим мактабида “Йўл қоидаси-умр фойдаси ” мавзусида 3-“Г” ва 3-“Д” синф ўқувчилари иштирокида шаҳримиздаги Ахборот Ресурс Mарказида тадбир бўлиб ўтди. Ўтказилган тадбирда ўқувчилар йўлларда юриш қоидаларини, ҳар бирлари ҳаракат иштирокчиларига айланишини ҳамда йўлларда ўрнатилган йўл белгилари ҳақида маълумотга эга бўлдилар. Тадбирни янада қизиқроқ бўлиши учун ўзлари тайёрлаб келган куй ва қўшиқларини намойиш этдилар. Тадбир сўнгида Ахборот ресурс маркази раҳбари Ражабова Бахтигул ўқувчиларга ўз миннатдорчилигини билдириб, турли бадиий китоблар билан тақдирлади.

Дарҳақиқат, йўл тасодифларга тўла. Ҳар биримиз уйдан мактабга бориб келгунимизга қадар бир қанча йўл белгилирига дуч келамиз. Ана шунда йўл белгиларини билиш ва уларга амал қилиш барчамизнинг бурчимиздир.

 Йўл қоидаларини ўқувчиларга ўргатиш биз устозларнинг бурчимиздир. Йўл белгилари дарс жараёнида фанлар кесимида ҳам ўтиб борилади. Шу жумладан,бизнинг № 2 мактаб 3-синфлар ўртасида “Йўл қоидаси-умр фойдаси ” мавзусида диктантлар танлови ҳам ўтказилди. Ғолиб ўқувчилар аниқланиб, мактаб маъмурияти томонидан мақтов ёрлиқлари билан тақдирланди.

Бошланғич синф ўқитувчилари:

  Тилабова Д, Темирова З.  

 

Зарафшон шаҳар 2-умумтаълим мактабида 2018 йил 11 декабр куни ўтказилган таълим тарбия сифати ҳамда мазмунига инновацион ғояларни жорий эттириш ғояси юзасидан “Интеллектуал ёшларни тарбиялаш ва камол топтириш замон талаби” мавзусида ўтказилган шаҳар семинари ҳақида МАЪЛУМОТ

Зарафшон шаҳар 2-умумтаълим мактабида 2018 йил 11 декабр куни ўтказилган таълим тарбия сифати ҳамда мазмунига инновацион ғояларни жорий эттириш ғояси юзасидан “Интеллектуал ёшларни тарбиялаш ва камол топтириш замон талаби” мавзусида ўтказилган шаҳар семинарида ноанъанавий тарзда 9 та маҳсус бекатлар ташкил этилиб, бекатларда фанлар кесимида ўқитувчиларнинг инновацион ғоялари намойиш этилди. Семинарга Навоий вилояти халқ таълими блшқармасидан, Навбаҳор тумани халқ таълми бўлимидан, Конимех тумани халқ таълими бўлимидан, шаҳар халқ таълими бўлимидан ва шаҳар мактабларидан меҳмонлар ташриф буюрди. Семинар меҳмонларни тантанали кутиб олишдан бошланди. Семинарда мактаб директори Д.Р.Тухтаева сўзга чиқиб меҳмонларни ва семинар иштирокчиларини семинар дастури билан таништирди. Меҳмонларни кутиб олишда ўқувчиларнинг ўзбек, рус, инглиз тилидаги шеърлари ва бугунги кунда яратилган шарт-шароитлардан мамнунлиги барчани ҳушнут этди. Биринчи бекат “Спортчилар” клуби бекатида мактабнинг 8-синф ўқувчиси, шахмат бўйича Ўзбекистон чемпиони Амонов Беҳрузнинг “Шахмат” клубида олиб бораётган ишлари намойиш этилди. Иккинчи бекат “Чиғатой гурунги” бектида мактабнинг Ёшлар иттифоқи етакчиси Жаркинов Аслиддиннинг ўқувчиларни китобхонликга қизиқтириш юзасидан амалга оширилган инновацион ғояси тақдим этилди ва саҳна кўриниши орқали “Чиғатой гурунги” жонлантирилди. Учинчи бекат “Қалблардаги ранглар жилоси” бекати расм-чизмачилик ўқитувчиси Л.Жабборованинг минатюра санъатининг сирларини ўз шогирдларига ўргатиш жараёнлари намойиш этилди ва барча меҳмонларда катта таасурот қолдирди. Тўртинчи бекат “ЮНЕСКО, оила, мактаб ва инновация” номли мавзуси остидаги лойиҳа намойиш этилди. Лойиҳада Мактаб директори Д.Р.Тухтаева ва инглиз тили фани ўқитувчиси К.Тўхсоноваларнинг инновацион ғоялари тақдим этилди. Бешинчи бекат Дин ва фан бекатида мактабнинг тарих фани ўқитувчиси З.Умрзоқовнинг дин ва фаннинг боғлиқлигини ўзи яратган видео ролик орқали намоийш этди. Олтинчи бекат “Тенгдош тенгдошга” бекатида иқтидорли ўқувчилар тарих, инглиз тили, она тили фанларидан тенгдошларига қўшимча машғулотлар ташкил қилиб, уларни ҳам ўқишга бўлган қизиқишларини оширишга ўргатишлари намойиш этилди. Еттинчи бекат “Юрак яшаш завқи билан банд” бу бекатда мактаб психологларининг ўқувчи ва ўқувчиларнинг оналари билан ташкил этилган психологик тренинг машғулоти тақдим этилди. Саккизинчи бекат “Билимдон” клуби бекати бу бекатда ҳуқуқ фани ўқитувчиси Н.Журакулованинг ўқувчилар онгида ҳуқуқий маданиятини борасида ташкил этилган клубидаги ишлари намоийш этилди. Тўққизинчи бекат “Мактабдан олийгоҳга қадар ” бекатида мактабнинг она тили, тарих ўқитувчилари Н.Фоҳирова, Р.Қиёмова, М.Қурбоновларнинг ўқувчиларни олийгоҳга тайёрлаш борасидаги инновацион ғоялари намойиш этилди. Семинар сўнгида семинарда намойиш этилган ғоялар ва бажарилиши керак бўлган ишлар муҳокама қилинди. Семинар меҳмонлар ва ўқувчилар онгида катта таасурот қолдирди.