Yangiliklar

Йўл қоидаси-умр фойдаси

Ўзбекистон Республикаси Вазирлар Маҳкамасининг “Йўл ҳаракати хавфсизлиги кунини ўтказиш ва йўл транспорт ҳодисалари профилактикасининг самарадорлигини ошириш чора-тадбирлари тўғрисида”ги 701-сонли қарори юзасидан “Йўл қоидаси умр фойдаси” мавзусида бизнинг Зарафшон шаҳар 2-умумтаълим мактабида “Йўл қоидаси-умр фойдаси ” мавзусида 3-“Г” ва 3-“Д” синф ўқувчилари иштирокида шаҳримиздаги Ахборот Ресурс Mарказида тадбир бўлиб ўтди. Ўтказилган тадбирда ўқувчилар йўлларда юриш қоидаларини, ҳар бирлари ҳаракат иштирокчиларига айланишини ҳамда йўлларда ўрнатилган йўл белгилари ҳақида маълумотга эга бўлдилар. Тадбирни янада қизиқроқ бўлиши учун ўзлари тайёрлаб келган куй ва қўшиқларини намойиш этдилар. Тадбир сўнгида Ахборот ресурс маркази раҳбари Ражабова Бахтигул ўқувчиларга ўз миннатдорчилигини билдириб, турли бадиий китоблар билан тақдирлади.

Дарҳақиқат, йўл тасодифларга тўла. Ҳар биримиз уйдан мактабга бориб келгунимизга қадар бир қанча йўл белгилирига дуч келамиз. Ана шунда йўл белгиларини билиш ва уларга амал қилиш барчамизнинг бурчимиздир.

 Йўл қоидаларини ўқувчиларга ўргатиш биз устозларнинг бурчимиздир. Йўл белгилари дарс жараёнида фанлар кесимида ҳам ўтиб борилади. Шу жумладан,бизнинг № 2 мактаб 3-синфлар ўртасида “Йўл қоидаси-умр фойдаси ” мавзусида диктантлар танлови ҳам ўтказилди. Ғолиб ўқувчилар аниқланиб, мактаб маъмурияти томонидан мақтов ёрлиқлари билан тақдирланди.

Бошланғич синф ўқитувчилари:

  Тилабова Д, Темирова З.  

 

Зарафшон шаҳар 2-умумтаълим мактабида 2018 йил 11 декабр куни ўтказилган таълим тарбия сифати ҳамда мазмунига инновацион ғояларни жорий эттириш ғояси юзасидан “Интеллектуал ёшларни тарбиялаш ва камол топтириш замон талаби” мавзусида ўтказилган шаҳар семинари ҳақида МАЪЛУМОТ

Зарафшон шаҳар 2-умумтаълим мактабида 2018 йил 11 декабр куни ўтказилган таълим тарбия сифати ҳамда мазмунига инновацион ғояларни жорий эттириш ғояси юзасидан “Интеллектуал ёшларни тарбиялаш ва камол топтириш замон талаби” мавзусида ўтказилган шаҳар семинарида ноанъанавий тарзда 9 та маҳсус бекатлар ташкил этилиб, бекатларда фанлар кесимида ўқитувчиларнинг инновацион ғоялари намойиш этилди. Семинарга Навоий вилояти халқ таълими блшқармасидан, Навбаҳор тумани халқ таълми бўлимидан, Конимех тумани халқ таълими бўлимидан, шаҳар халқ таълими бўлимидан ва шаҳар мактабларидан меҳмонлар ташриф буюрди. Семинар меҳмонларни тантанали кутиб олишдан бошланди. Семинарда мактаб директори Д.Р.Тухтаева сўзга чиқиб меҳмонларни ва семинар иштирокчиларини семинар дастури билан таништирди. Меҳмонларни кутиб олишда ўқувчиларнинг ўзбек, рус, инглиз тилидаги шеърлари ва бугунги кунда яратилган шарт-шароитлардан мамнунлиги барчани ҳушнут этди. Биринчи бекат “Спортчилар” клуби бекатида мактабнинг 8-синф ўқувчиси, шахмат бўйича Ўзбекистон чемпиони Амонов Беҳрузнинг “Шахмат” клубида олиб бораётган ишлари намойиш этилди. Иккинчи бекат “Чиғатой гурунги” бектида мактабнинг Ёшлар иттифоқи етакчиси Жаркинов Аслиддиннинг ўқувчиларни китобхонликга қизиқтириш юзасидан амалга оширилган инновацион ғояси тақдим этилди ва саҳна кўриниши орқали “Чиғатой гурунги” жонлантирилди. Учинчи бекат “Қалблардаги ранглар жилоси” бекати расм-чизмачилик ўқитувчиси Л.Жабборованинг минатюра санъатининг сирларини ўз шогирдларига ўргатиш жараёнлари намойиш этилди ва барча меҳмонларда катта таасурот қолдирди. Тўртинчи бекат “ЮНЕСКО, оила, мактаб ва инновация” номли мавзуси остидаги лойиҳа намойиш этилди. Лойиҳада Мактаб директори Д.Р.Тухтаева ва инглиз тили фани ўқитувчиси К.Тўхсоноваларнинг инновацион ғоялари тақдим этилди. Бешинчи бекат Дин ва фан бекатида мактабнинг тарих фани ўқитувчиси З.Умрзоқовнинг дин ва фаннинг боғлиқлигини ўзи яратган видео ролик орқали намоийш этди. Олтинчи бекат “Тенгдош тенгдошга” бекатида иқтидорли ўқувчилар тарих, инглиз тили, она тили фанларидан тенгдошларига қўшимча машғулотлар ташкил қилиб, уларни ҳам ўқишга бўлган қизиқишларини оширишга ўргатишлари намойиш этилди. Еттинчи бекат “Юрак яшаш завқи билан банд” бу бекатда мактаб психологларининг ўқувчи ва ўқувчиларнинг оналари билан ташкил этилган психологик тренинг машғулоти тақдим этилди. Саккизинчи бекат “Билимдон” клуби бекати бу бекатда ҳуқуқ фани ўқитувчиси Н.Журакулованинг ўқувчилар онгида ҳуқуқий маданиятини борасида ташкил этилган клубидаги ишлари намоийш этилди. Тўққизинчи бекат “Мактабдан олийгоҳга қадар ” бекатида мактабнинг она тили, тарих ўқитувчилари Н.Фоҳирова, Р.Қиёмова, М.Қурбоновларнинг ўқувчиларни олийгоҳга тайёрлаш борасидаги инновацион ғоялари намойиш этилди. Семинар сўнгида семинарда намойиш этилган ғоялар ва бажарилиши керак бўлган ишлар муҳокама қилинди. Семинар меҳмонлар ва ўқувчилар онгида катта таасурот қолдирди.


 

Конститутция – хуқуқларимиз кафолати

2018-йил 7-декабр куни 8-декабр Конститутциянинг 26 йиллиги муносабати билан 10-“Д” синфида “Конститутция – хуқуқларимиз кафолати” мавзусида очиқ маънавият саот дарси ташкил этилди. Маънавият соати дарсида расмлар, тарқатма саволлар асосида ва ўкувчиларни гуруҳларга булиб “SAN” технологиясидан фойдаланиб очиқ дарс ташкиллаштирилди.

Дарсда ўқувчилар томонидан шеърлар, маълумотлар, сахна кўриниши намойиш этилди.

Мусиқа фани ўқитувчиси: Райимкулова Нелли Бахтияровна

 

Илм олиш афзалликлари

   Жорий йилнинг 23 ноябр куни Зарафшон шаҳар тиббиёт коллежида 2-умумтаълим мактабининг 8-11-синф ўқувчилари билан “Йигит маънавияти” мавзусида йиғилиш ташкил этилди. Йиғилишда мактабнинг ММИБДЎ Ҳ.И.Мирзаева, ЎТИБДЎ А.С.Искандарова, жисмоний тарбия ўқитувчиси З.С.Ортиқов, тарих фани ўқитувчилари М.М.Қурбонов, З.Умрзоқов, ЧЁТ фани ўқитувчиси Ш.Саноев, Ёшлар иттифоқи етакчиси,” «Ёш китобхон» республика танловининг вилоят босқичи ғолиби А.Ф.Жаркинов, мактаб психологи Р.Б.Хушвақова иштирок этди. Йғилишда илм олиш афзалликлар, йигит маъкавияти, мобел телефонлардан тўғри фойдаланиш, кийиниш ва муомаала маданияти юзасидан ўқувчиларга тарбиявий аҳамиятга эга маълумотлар берилди. Йиғилиш сунгида 10-Д синф ўқувчиси Ўткирқулов Беҳруз “Ёш китобхон” танлови вилоят босқичи ғолиби ёшлар етакчиси Жаркинов Аслиддин устозининг ютуғидан таъсирланиб ёзган шеърини йиғилганларга ўқиб берди. Йиғилиш мунозараларга бой тарзда ўтиб, ўқувчилар томонидан берилган саволларга ўқитувчилар томонидан жавоб берилди.

2-умумтаьлим мактаби ММИБДЎ

Ҳайитгул Мирзаева

 

Интилганга толе ёр

    Жорий йилнинг 21 ноябр куни Навоий шаҳрида «Ёш китобхон» республика танловининг вилоят босқичи ўтказилди.Танлов баҳс-мунозараларга бой тарзда ўтиб, чинакам китобхонлик байрами тусини олди. Белгиланган низом асосида вилоятимизнинг барча шаҳар, туманларидан келган китобхонлар иккита шарт – адабиёт намоёндалари ва бадиий асарлар бўйича берилган билетлар саволлари юзасидан беллашдилар. Танловда шаҳримиз шарафинин муносиб ҳимоя қилиб қайтган 2-умумтаьлим мактаби бошланғич ташкилот етакчиси Жаркинов Аслиддин енг юқори балл тўплаб, фахрли 1-ўринни қўлга киритди. Ғолибликни қўлга киритган ёш китобхонимизга танловнинг республика босқичида вилоятимиз шанини ҳимоя қилиб, биринчи ўринни қўлга киритишини тилаб қоламиз.

 

2-умумтаьлим мактаби ММИБДЎ

Ҳайитгул Мирзаева